ودعتك الله ياعنود المزايين

ودعتك الله ياعنود المزايين

‏ودعتك الله يا عنود المزايين
‏وداع ما ظنّي بعده مْتعافي

‏يا احبّ من ورّد على وجهي البين
‏و اعزّ من ضيّق علي المنافي

‏يا اغلى وجع استشعرته الشرايين
‏و اوجع غلا عشته بخير وعوافي

‏لو كنت ادري بنيّتك يوم تقفين
‏عطّرت من ريحة لحافك لحافي

‏بها اتذرّى لا غدا البرد بردين
‏وْلا عادت اطرافه تدفي اطرافي

‏لا شك لو ان الخوافي لنا تْبين
‏ما روّحت مجمل حياتي خوافي

‏اعطيتك من الاربعه والثلاثين
‏ثمانية .. كانت ضفافك ضفافي

‏بها على شانك نظمت الدواوين
‏وابدعت في حبك الشعر والقوافي

‏وبها على شانك تحديت الادنين
‏ما بين مقفي وبين مقبل ولافي

‏تلفين واعدك علي يوم تلفين
‏غيمة تبدد عن جفافي .. جفافي

‏معي شعرتي ان منتي من الطين
‏ومعي اقتنعتي بالشعور الخرافي

‏وابراي لله ابهتك يا اريش العين
‏حتى ولو ماني معاك متصافي

‏لقيت بك مالا لقوه المحبين
‏اللي نهايتهم مجافى وجافي

‏اجي وجوي عمس واقفي ومن حين
‏ما اقفي وجوي من محياك صافي

‏ومن الغلا لو صفوا الناس صفين
‏محدن يصف من الغلا في مصافي

‏ورغم اختلافي عنك مع طبعي الشين
‏ما غيّرك طبعي وشين اختلافي

‏كنا قبل نلقى بعضنا من سنين
‏قبل اعترافك بالغلا واعترافي

‏عشاق؟ لا والله الا اكثر ثْنين
‏عليهم هندام العشاشيق ضافي

‏ما كنت احبك حب نزوه وتدرين
‏بالخافي اللي عنك ماهوب خافي

‏جيتك على وضح النقا والوعد دين
‏والحر لا منه وعد كود يافي

‏تبعت بك هدي الرسل والنبيين
‏وافي وادور لولدي خال وافي

‏اثري تبعتك بس مدري على وين
‏مار الوكاد اني تبعتك و كافي

‏طلبتك من اخوك مره وثنتين
‏والثالثة جيته على الشوك حافي

‏الين عيا بك قبل لا تعيين
‏وانا العزيز اللي ما اقبل اسفافي

‏لكن عليك الله وامانه لا تنسين
‏لا ضاقت رحاب السماء والفيافي

‏ما دامنا فوق الوسيعه وحيين
‏ووجيهنا تطرق لحاها السوافي

‏مكانك الدافي بصدري من الحين
‏لين ما الله ياخذ الروح دافي

‏واليا نويتي عقب حبي تحبين
‏امانتك حبي الشجاع السنافي

‏على الاقل يوم اخسرك من حمر عين
‏اهون علي من اخسرك عند هافي

شعر /. فهد الشمري
تقبلو ودي

ريحانه ,زهرة القمر معجبون بهذا

الموضوع الأصلي : ودعتك الله ياعنود المزايين || المصدر : منتديات عاشق الحروف

---

,]uj; hggi dhuk,] hgl.hddk hggi dhuk,]

أمير الحرف
مواضيعك دايم تشدني
موضوع ممتع حيل
الله لايحرمني منك

بيض الله وجهك
على هالابداع الغير مستغرب ..

بارك الله فيك على الموضوع القيم والمميز
وفي إنتظار جديدك الأروع والمميز
لك مني أجمل التحيات
وكل التوفيق لك يا رب

سلمت يداك على الطرح الطيب
يعطيك ربي العآفيه
لك خالص احترامي

يعطيك الف عافيه
ربي يسعدك على جمال طرحك ْ~

جزاك الله خيرا وبارك بك
لهذا الجلب الطيب
وهذا العطاء المفعم بالخيرات
نفع الله بك وجعله في موازين حسناتك يارب
تقديري لجهودك الدائمة
دمت بمرضاة الله ..
الله يسعدك
ابداعك فاق الحدود والله ):
كنت هنا فتنه

شكرآ لـ هذة اللفته
الله لايحرمنا منك ومن ابداعاتك الشيقة ..
دمت لنآ

الله يعطيك الف العافية
على هذا الموضوع المميز
ننتظر جديدك المميز
ودي و تقديري واحترامي واعجابي

عوافي ي بعد راسي ~