الله من قلبٍ

الله من قلبٍ

الله من قلبٍ:
الله مـن قلـب همومـه تقـزيـه
تدك بـه مثـل الجـراد التهامـي

شىءٍ بقلبـى يامـلا حايـرٍ فيـه
شىءٍ تحير بـه العقـول الفهامـي

مخفيه بفـوادى و لا ودى ابديـه
وادور الخيـرات شـرقٍ وشامـي

احترت به ما شفت شـىءٍ يحاليـه
واليوم أنشد عنـه مانـى بكامـي

سيلٍ حدر مع وادىٍ غيـر واديـه
مـدرى حـلالٍ مـاه والا حرامـي

كانه حلالٍ جايـزٍ شـرب صافيـه
وش حلله يامفسريـن الحـلامـي

هاتوا تفاصيلـه وهاتـوا معانيـه
نبى الدليل اللـى عليـه الكلامـي

نبي دليـلٍ يفهـم الـدرب ماشيـه
يمشي به التايـه بليـل الظلامـي

يمشي به التايه ويقـدى مواطيـه
ويشرب قراح الما ليا صار ضامـي

لاشك هجسي يـوم خـلا مماشيـه
انـه حـرام ومنـه زود الاثامـي

احرم مـن الزقـوم مـره وحاليـه
وشربه على الضامى يزيد الهيامي

الله مـن قلـب همومـه تقـزيـه
تدك بـه مثـل الجـراد التهامـي

من ما جرى قامت تتلـه مشاحيـه
تل الرشا من فوق هدف المقامـي

روابـعٍ قامـت تصيبـه وتخطيـه
شاف الهوايل واختـلاف الاسامـي

ما يسمع الداعى ليـا قـام يدعيه
يعوم فى بحـرٍ مـن الهـم طامـي

ما ينتبـه للـى بصوتـه يناديـه
يزيـد همـه يـوم كـلٍ ينـامـي

يشـوف وقـتٍ ماعرفناتوالـيـه
وقتٍ يشّيب منـه ابـن الفطامـي

هـذا زمـانٍ كـاثـراتٍ بـلاويـه
الغيم يقلـب فيـه عـج وكتامـي

يا بعد شرب الما على كبد راجيـه
ما سيل الغبـرا زعـوج الجهامـي

انبيك يا من كلمة الحـق ترضيـه
اعطيك ما ينفعـك وافهـم كلامـي

قصـرٍ يذلـك لا تقابـل مبانـيـه
خله عسى شامخ طويلـه هدامـي

خله عسى ما صاب اغادير يفنيـه
يـودع منازلـه الطويلـه رجامـي

لوزان مدخالـه وطالـت حواميـه
شيّد على الخيبـه قليـل الرحامـي

وحىٍ يوريـك المـذ لـه وتغليـه
أنا أشهدأنك ميـت القلـب عامـي

مـن لا يـودك لا تـوده وترجيـه
رفـع مقامـك ياعزيـز المقامـي

ارفع مقامك عن عـدوك وتوذيـه
ويلحقك من تركت رفيقـك ملامـي

حـق الرفيـق وواجبـه لاتخليـه
يلزمك مثـل الوالديـن الحشامـي

اخترعزيز الجـار والحـق يعطيـه
شبلٍ على هـرجٍ يقولـه يحامـي

مادك به عرج المـذ لـه وطاريـه
يسبق على فعل الفضيلـه شمامـي

ومن قارب الاجرب بالامراض يعديه
عدواه تسطـي باللحـم والعظامـي

درب السلامـه بينـاتٍ مماشـيـه
ودرب العطب يّرث عليك اللكامـي

ابعد وقلبك نـازح البعـد يشفيـه
وتلقى عن الدار البغيضـه مقامـي

دارٍ بدار وداعـى الـذل عاصيـه
ولا تقبل الذ له نفـوس الكرامـي

الـذل مـوت حايمـاتٍ ضواميـه
ادخل على منزل فروض الصيامـي

عن مقعد بالـذل عينـك تراعيـه
الموت عند الذل امـان وسلامـي

يرضى المذ له من تردت هقاويـه
والذل يجفل منـه قلـب العصامـي

والعبد له ربٍ عن النـاس يغنيـه
ولو لاه ماصاب الهدف كل رامـي

الشاعر : محمد احمد السديري
منقول: عواد الهران

الموضوع الأصلي : الله من قلبٍ || المصدر : منتديات عاشق الحروف

---

hggi lk rgfS