الكل في حالة هلع

الكل في حالة هلع

الكل في حاله هلع بيحاولوا ينقذوا رحيم

وريم بتابع بحسره والم من ورا لوح ازاز العنايه المركزه

حياتها ..ايوه رغم الاسي والظلم اللي شافته من رحيم وأمه

هيفضل روحها اللي بتتسلب منها وبضيع بضياع رحيم

توتر وقلق وجسم رحيم ينتفض من الصدمات الكهربائيه

المستمره لغايه مالدكتور اشار لممرضات بخلاص كل

المحاولات فشلت

وريم في حاله انهيار رفضه موت رحيم ولسه هتدخل الاوضه

مع خروج الدكتور

الدكتور ..للاسف مافيش فايده... البقاء لله .. شدي حيلك مدام

ريم

ريم ....لااااا.....لاااااا بصدي صوت هزت جدران المستشفي .رحيم

متسبنيش وفقدت الوعي

وهنا بصريخ وبكاء وصدي صوتها افزعت من حوليها اخوات

رحيم ووالدته

ريم..لا رحيم متسبنيش لاااااا انا محتاجلك وهنا فتحت عينها

لاقت نفسها من ارهاقها نامت وهي قاعده 😟🙈🏃‍♀️🏃‍♀️🏃‍♀️🏃‍♀️

كريمه ....مالك يابنتي فوقي رحيم لسه مافقش ..مالك ياريم

وهنا انهارت كريمه....

كفايه ارجوكي مش قادره اشوفك بالمنظر دا ولا منظر ابني وهو

مرمي في السرير انا السبب في اللي بيحصلكوا دا وانهارت

كريمه جنب ريم واخدتها بحضنها

ريم.. وهي منهاره في حضن حماتها كريمه الحمدلله ...انه

كابوس مش حقيقي ...الحمد الله انه كابوس .. ورحيم لسه جنبي

كريمه وقلبها بيتقطع من منظر ريم اللي بقت شبح من

ضعفها بسبب قله الاكل من وقت حادثه رحيم وارهاقها الواضح

وشحوب وجهها

كريمه.. ببكاء شديد...سامحيني يابنتي ارجوكي سامحيني

انا..مش هسامح نفسي لو حصلك حاجه انتي ورحيم اتمسكي

يابنتي شوي لازم ...تكوني قويه عشان رحيم لما يقوم بالسلامه

في اللحظه دي وريم وكريمه قاعدين بتهديها. ادام العنايه

حسوا بقلق في الدور

#وفجاه

تعالوا نشوف حصل اي عند رحيم ...

....الممرضه. في غرفه العنايه وهي بتابع حاله رحيم لاحظت

بيحرك ايده ببطء شديد ... و بيحاول يفتح عيونه بصعوبه

وبيحاول يتكلم بس مش قادر يطلع صوت وبصوت شبه معدوم

رحيم...ااانا فيين

جريت الممرضه وندهت علي زمايلها وطلبت منهم يستدعوا

الدكتور المتابع بحاله رحيم

بسرعه الممرضات ندهوا علي الدكتور ومنهم بداو يجهزوا ليه

الأدوات اللي هيكشف بيها علي رحيم ليطمن علي صحته

الممرضه.. دكتور دكتور .. المريض فتح عينه الحاله فاقت

اسرع الدكتور يتابع حاله رحيم. وريم وكريمه لاحظوا بقلق وريم

قلبها في دقات مستمره لايتحملها بشر والخوف تملكها لاتحول

كابوسها حقيقه

وبعد انتهاء من الكشف وإجراء الفحوصات علي رحيم الدكتور

امر الممرضات

الدكتور ...يتنقل غرفه عاديه . بعد ساعه

.وخرج يطمن امه وأخواته وزوجته

الدكتور...مبروك ياجماعه استاذ رحيم بقي بخير ..وساعه

وهيتنقل غرفه عاديه.. تقدروا تشوفوه

ريم مع الخبر وكلام الدكتور كأنها اتولدت من جديد ...وكريمه

والده رحيم حست كأنها فرصه جديده تكسب ابنها من جديد

بس مش بجبروتها ولا سلطتها

#في_غرفه_١٠١

تعالوا نشوف عم رحيم اللي مدوخنا

... انتقل رحيم ومعه الممرضه المتابعه لحالته

الممرضه... حمد الله علي سلامه حضرتك. الكل كان قلقان عليك

وخصوصا مراتك ووالدتك مبطلوش عياط وسؤال عن حالتك

وفضلوا موجودين بره العنايه لغايه ماطلعت منها بالسلامه

رحيم ...شك_...را ليكي. ومهتمش بكلمها عن امه ومراته

الممرضه..اي خدمه استاذ رحيم اي حاجه اضرب الجرس اللي

جنبك هتلاقيني عندك فورا

رحيم... شكرا ليييكي

الممرضه... والدتك ومراتك عاوزين يطمنوا علي حضرتك هدخلهم

فورا

رحيم بصوت عالي كأنه بكامل صحته كانه استمد صحته من

وجع امه ليه ووجع ريم من ظلمه. ....

رحيم. ..انتفض.... لا مش عاوز حد يدخلي

الممرضه..باستغراب زي ماتحب. وخرجت الممرضه في حاله

ذهول من رده فعله ووعند قفلها لباب الاوضه لاقت في وشها ريم

ريم... رحيم بقي كويس هدخله

الممرضه .. رفض اي زياره او حد يدخله من اهله

ريم... ياعني اي ...انتي بتخرفي صح..اوعي كده من وشي وزءتها

وفتحت الباب بحده

ريم جرت علي رحيم حمدالله على السلامه حبيبي الممرضه

اللي بره بتخرف بتقول انك رافض حد يدخلك حتي انا

رحيم ساكت ...مش قادر يقولها اي.. مش عارف يبرر اللي عمله

فيها مش عاوز يشوف عينها عشان طول عمره بيضعف لعيناها

ريم ...رحيم بوصلي من فضلك فيك اي عاوزه افهم في اي وايه

اللي حصل لدا كله ...

رحيم ساكت ...وهي بتترجاه انه يتكلم في دخله امه

كريمه ...حمد الله علي السلامه يابني ياحته من قلبي

انتفض رحيم وكأنه مش عاوز امه تلمسه وحرك ايده بتعب وهو

بيتألم عشان يضرب الجرس

كريمه.. رحيم سامحني يابني عشان خاطري وبتبص لريم في

خجل وحزن علي الموقف دا

ريم.. بصوت عالي فاهموني في اي ...عاوزه اعرف ايه اللي بينكم

في خبطه باب الاوضه ودخول الممرضه

الممرضه. افندم استاذ رحيم

رحيم... بصوت مجهد مش عاوز اشوف حد طلعي اللي في

الاوضه بره ..كلهم بره

كريمه... ليه يابني بلاش طريقتك دي قلبي بيتقطع

في صرخه رحيم بره كله بره

الممرضه ...من فضلكم المريض عاوز يرتاح وهما مستسلمين

لطلب رحيم بخروجهم فجأه

رحيم....رييييبببببببم.... انت طاااالق

يتبع

لا ياعم رحيم براحه شوي علينا

اقتباس_من_الحلقات_الاخيره

كريمه..انت ظالم واناني وقلبك جاحد وانا السبب اللي خليتك كدا
رحيم. ههه.تلميذك ياأمي العزيزه

كريمه.. رحيم احترم نفسك ماتنساش اني امك وانت بتكلمني

رحيم...امي . طب ازي ......

انا كنت زمان بسأل نفسي وانا صغير ليه أمهات اصحابي مش

شبهك ..ليه ديما كنت بحسهم حنينين عنك

ليه طول الوقت خناق وزعيق وشخط واوامر ولما مايتعملش اللي

طلبتيه يبقي ضرب واهانه.. ليه ياامي

كريمه... انا بحبك ..طول الوقت خايفه عليك انت واخواتك

وربيتكم لوحدي فكنت لازم اكون الاب والام ..لازم اقسي عليكوا

رحيم.... بصوت عالي كفايه بقي تبرير طول الوقت لافعالك انتي

ربتينا غلط.. انت. خلتيني ضعيف طول الوقت بلجألك معرفش

اواجهه مشاكلي

كريمه..لا حبيبي دا اسمه حب..

رحيم ..عمرك شوفتي ام تخرب بيت ابنها ..وتفتري علي مراته

وتوقع بينهم لا وكمان تخليه يشك فيها وفي سمعتها

☆☆☆
والد ريم...ازي دا يابنتي في زوجه اصيله تسيب جوزها وهو راقد

في المستشفي

ريم ..رحيم بقي كويس وشدنا سوا شوي ..والحل ابعد شوي

وارتاح من اللي كنت فيه وبطمن عليه من ماما كريمه

والده ريم.. خلاص يابنتي اللي يريحك المهم انه بخير اقومي

انتي ارتاحي في اوضتك وان شاء الله الامور تتصلح بينكم

والد ريم .. وانا هطمن من الست كريمه واشوف ايه الموضوع

ريم ...اللي تشوفه يابابا عن اذنكم

☆☆☆☆

ريم..الو ايوه تمام عملت اللي اتفقنا عليه كله

مجهول...(ياتري مين🤔).. .المهم نخلص من عناده وغروره

خلي بالك حببتي واعملي كل اللي اتفاقنا عليه عشان نعيش

فبيت واحد

ريم.. حاضر ..سلام مؤقت

☆☆☆☆

رحيم ... انت اتجننت ازي تكلم اخوك بشكل دا

ادهم.. عشان زودتها وبتخسر الناس اللي حوليك وبحذرك مش

هسكتلك فاهم مش هسكتلك ولو حصلها حاجه مش هرحمك

☆☆☆☆

ريم....افندم عاوز اي تاني

رحيم...عاوزك

ريم..افندم انت اتجننت مش طلقتني خلاص

رحيم ...انت بتاعتي

ريم... كان زمان يااستاذ رحيم دلوقتي بتاعه اللي يقدرني ويحبني

رحيم ..انا بحبك ياريم ومقدرش استغني عنك وانتي بتاعتي

فاهمه..بتاعتي

مجهول🤔(ياتري مين).. الواد موجود في الحفظ والصون

رحيم.. مش عاوز دم احنا هنربيه ونعلمه ازي يطول لسانه

مجهول .. امرك ياباشا

دا اقتباس من الحلقات الجايه .....اظن كده صالحتكم والنهايه خلاص قربت

معادنا بكره بإذن الله وياريت اسمع تعليقات حلوه عشان اقدر اكمل
بحبكم

ال 14

بعد مرور اسبوعين
خرج رحيم من المستشفي ورفض انه يرجع بيت العيله لانه مش هيقدر يستحمل يدخل شقته من غير ريم تكون فيها ولا يقدر يواجهه امه بحقيقه مشاعره تجاها وغضبه منها طلب من اخوه ادهم يستأجر له شقه مؤقته

أما حال كريمه ..فلم تفارق رحيم في المستشفي رغم رفضه المستمر ليها حتي تشوفه او تكلمه .. ساءت حالتها وبقت تدعي ربنا يسامحها وان رحيم يسامحها ويحن قلبه عليها

ريم ..كانت في اسوء حاله فهي المظلومه في روايتنا بعد وقوع الطلاق قفلت علي حياتها تقريبا ومن كتر ماهي في حاله سيئه
وجعت قلب امها عليها وحزن ابوها علي حالها

رحيم لازم يتربي متقلقوش🤔

في نهار جديد صحيت كريمه وهي كل اصرار ان تواجهه ابنها
رحيم وتحاول ترجعه ليها من تاني كلمت ابنها ادهم
كريمه....ادهم عاوزك حالا انت فين من الصبح
ادهم... ايوه ماما نزلت بدري وانتي نايمه خير في اي
كريمه.. عاوزه عنوان شقه اخوك رحيم
ادهم ..اي شقه
كريمه ...ادهم بلاش استعباط ساعديني يابني والا انسي انك ليك ام تاني
ادهم.. ايه العيله اللي بتتبرا من بعضها دي🤨
كريمه...ادهم وبعدين
ادهم...خلاص ياماما ابعتهولك واتس بس عرفيني هتعملي اي رحيم لو عرف اني ادتهولك ممكن يسيب الشقه ومعرفش عنه حاجه
كريمه...ابعته ومتخافش مش هكلمه هو مش بيرد علي تلفوناتي اصلا ولا هروحله
ادهم... حاضر ياست الكل ..سلام

كريمه اول ماوصلها عنوان رحيم عزمت علي انها لازم تروحله وفعلا ركبت تاكسي ومعرفتش حد انها خارجه ادهم مش بيروح غير بليل وأخواته المتجوزين كل واحد في بيته وهمه وشغله

كريمه وهي راكبه تاكسي افتكرت مشوار لازم تروحه الاول ..(ياتري فين🤔)

كريمه.. اسطي تستناني من فضلك ربع ساعه ونازله وتكمل معايا لمشورانا اللي قولتلك عليه مش هغيب
اسطي التاكسي.. حاضر ياهانم تؤمري براحتك انا منتظرك
وبعد تلت ساعه نزلت كريمه منهاره وعينها كلها دموع وركبت التاكسي
كريمه.. يلا اسطي كمل طريقك
الاسطي.. وهو باصص عليها من المرايه اللي قدامه كان قلقان لان الست كريمه كانت شكلها غير طبيعي
اسطي التاكسي.. تمام يافندم حضرتك بخير
كريمه.. بخير يلا كمل

اخيرا ..وصل التاكسي لبيت رحيم وساعتها الست كريمه قلبها دقاته بقيت سريعه حست انه ممكن يقف من شده خوفها من مواجهه ابنها اللي بقاله اكتر من شهر مبصش حتي ليها
دخلت كريمه .. البيت وطلعت لشقه رحيم وترددت كتير ترن جرس الباب وكانت هتمشي بس ديما في صوت جواها بيرن.(صلحي اللي انتي عملتيه وقربي ابنك منك)

فلاش باك......

في ليله من ليالي كريمه الحزينه وعادتها من بعد مافاء رحيم من الغيبوبه...وهي علي سجاده الصلي وبعدصلاه الفجر ودعائها ان ربنا يسامحها ويهديها ويهدي ابنها ليها وانه يرجع لريم واستغفرت علي أفعالها في حق اولادها ..وفي عز تعبها من معاقبه نفسها طول الوقت وانها وهبه حياتها للاستغفار عشان تكفر عن أفعالها نامت علي سجاده الصلي وسمعت صوت ..
كريمه.... (صلحي اخطاءك وقربي ابنك منك اولادك هي أعمالك اللي هتقابلي بيها ربنا )...اتفزعت ...لاقت النوم غلبها وهي بتستغفر

باك.......

افتكرت كريمه الليله دي واد اي حست بارتياح بعد الليله دي
فضربت الجرس ..

... رحيم كان عايش مع ذكرياته وصور ريم اللي ماليه موبايله كأنه عايش معاها مدام معرفش يعيش معها بالحقيقه وهو بيتفرج علي صوره مع ريم ...جرس الباب رن .

وفجاءه رحيم بعد دقايق فتح الباب وقلب كريمه انتفض يرقص لرؤيه ابنها فهو ابنها المدلل المحبب لها

رحيم... انتي .. ايه اللي جابك ومين اداكي العنوان ادهم اكيد..حسابي معاه بعدين

كريمه.. انا ماما يارحيم وادهم ملوش ذنب انا اللي اتحيلت وصعبت عليه مش ذيك قلب قاسي
رحيم... بضحكه ساخره...معلش نسيتي تعلميني ازي احن ياست كريمه
كريمه.. يابني اسمعني اغفرلي انا غلطت في حقك انت واخواتك اديني فرصه أصلح كل حاجه وعد مني بس اديني فرصه.. انا امك

رحيم..عمرك شوفتي امك تخرب فرحه ابنها يوم جوازه ولا ام تشكك ابنها في مراته انتي ام انتي .. انت غير أمهات اصحابي .. انتي واحده متسلطه متعرفيش الرحمه والحنيه والحب انت عاوزه كل حاجه تكون تحت سيطرتك وبس حتي انا واخواتي بتعتبرينا أملاك لكي.. مش أولادك
كريمه... كفايه بقي حرام عليك ربنا مقلش تعمل كده في امك تهين فيا كده وتجرحني كده ..افتكر اني ربيتك انت واخواتك لوحدي لازم اقسي واشد عليكوا سامحني يابني انا بحبك

رحيم.. وانامش هسامحك ..خلتيني اقسي أظلم نفسي ومراتي حتي مش قادر اقولها انا اسف انتي دمرتيني
رحيم... انا عندي مشوار لازم امشي عنوانك هنا غلط وابنك الي بدوري عليه مات في الحادثه.... بعد اذنك
كريمه .. انت ظالم واناني وقلبك جاحد
رحيم.. تلميذك ياأمي العزيزه🙄

خرجت كريمه وهي مش عارفه تقف علي حيلها كانت بتخبط في العفش وهي طالعه مش قادره تمسك نفسها من صدمتها فيه ...وعم رحيم بيختلس النظرات وقلبه بيوجعه من قسوته علي امه.. لكن عقله كان اقوي من قلبه وهو اللي بيسطر علي مشاعره

نزلت كريمه وركبت التاكسي وكأنها فقدت الذاكره مش عارفه هي مين ولا فين ولا رايحه علي فين..وسائق التاكسي هنروح علي فين ياست هانم
كريمه ... وقفني هنا ونزلت وكانت هتمشي
الاسطي .. الحساب ياست هانم
كريمه .. من غير وعي طلعت اللي في شنطتها كله فلوس كتيره وادتهوله ومشت

رحيم.. بعد امه قفلت باب الشقه وهي طالعه اترزع مكانه وبدأ في العياط علي جحوده

وفضلت ماشيه .....ماشيه مش عارفين حصلها اي ... لغايه الليل والساعه عدت 12بليل...

وادهم وهو راجع الفجر...للبيت كعادته(ماهو المدلع الصغير بقي) ماشي بشويش عشان امه متحسش بيه ودخل اوضته واترزع في سريره ونام علي طول طبعا من الشرب

عدي الليل وطلع النهار شقشق... ادهم فاق لاقي نفسه بهدومه واستغرب ازي امه مدخلتش تهزءه كعادتها لما تلاقيه كده بهدومه

قام يشوفها ودخل اوضتها لاقها زي ماهي محدش نام فيها قعد يدور عليها وندهه علي اخواته ومراتتهم لتكون عند حد فيهم وافتكر موضوع العنوان بتاع رحيم وقعديرن علي رحيم مش بيرد.كعادته

نزل راح لرحيم واول ماوصل عنده بقي يرزع لغايه ماصحي
رحيم.... في اي ايه الخبط دا وايه اللي جايبك بدري كده
ادهم .. امك فين يارحيم
رحيم... انت اتجننت .مالها امك ..انا مالي بيها اخخخخ ادهم من خوفه علي امه رزع بوكس لرحيم وقعه علي الارض

ادهم ..امك مروحتش من امبارح واكيد كانت عندك عملت فيها اي
رحيم.. معملتش انت،مجنون،هعمل في أمك اي هي جات كلمتني ومشت

ادهم ..وهو ماسك في هدوم رحيم عملت في امنا اي لو حصلها حاجه يارحيم مش هرحمك .. سامعني مش هرحمك ادعي بقي القيها والا يومك من هنا ورايح هتبقي سواد وسابه ورزع البيت وراه وركب عربيته يلف يدور عليها في كى حته

رحيم .. انهار واتخض علي امه وبقي يكسر في مرايات البيت كل مايبص فيها وهو بيفتكر كلام ادهم اخوه عمال تخسر كل اللي حوليك وبيحبوك وانهار في البكي علي فراق امه زي مابكي علي فراق ريم

طول اليوم وكل من اولاد كريمه بيدور عليها حتي رحيم خد عربيته ونزل يلف يمكن يلاقيها مستحملش يقعد في البيت وأمه محدش يعرف عنها حاجه....

رحيم.. الو...ادهم روح كده عند ريم تكون عندها ومرضتش تقول
ادهم .. ماتروح انت وهو انت اتشليت 🤭
رحيم.. لم لسانك ياادهم والا وعزه جلاله الله الاجيلك واربيك من تاني
ادهم.. روح ربي نفسك وشوف عملت اي في امك خليتها تطفش منك
رحيم .. قفل السكه في وش ادهم وهو بينفخ وحاطط ايده علي عينه مكان البوكس😄😄..عيل ناقص رابيه هفرجك ياادهم الكلب

ادهم راح لريم بيتها يسأل عن والدته وهو داخل البيت استغرب من استقبال ام ريم ووالدها.. باستقبال كويس رغم اللي عمله في بنتهم..

رحيم... بعد اذنك ياعمي ممكن اقابل ريم ضروري
والد.ريم .. اكيد يابني .. ام ريم ادخلي نادي ريم تطلع لجوزها....اسف يابني لرحيم طليقها😏

دخلت والدتها وطلعت ريم وسابهم ابوها لوحدهم

رحيم.. ازيك ياريم،
ريم... الحمد لله ..خير وهي بتبص لرحيم حست ان رحيم مش سامعها الاستاذ كان تايهه في عينها ....(داوقته عم رحيم)😃

ريم.. استاذ رحيم.. رحيم خير في ايه..
رحيم.. انتبه لها قالها امي مشفتيش امي امي مشت ومش لاقينها
ريم.. مشت ازي
رحيم سبتنا ومشت وفجاءه فونه رن
رحيم.. الو ايوه انا .....انت بتقول اي.. طب انا جايلك حالا خليك مكانك
ريم.. ورحيم بيمشي بسرعه عشان يشوف حكايه المكالمه دي
ريم...استني انا جايه معاك ....رحيم ا
يتبع

اهدي ياابله ريم مش كده الواد هيرجع راكع بس اصبري عليا وخليكي تقيله
اشوفكم بكره وعاوزه تعليقات تشجعني اكمل
ال 15

رحيم نزل بسرعه لعربيته عشان يشوف موضوع المكالمه لاقي ريم بتخبط علي ازاز العربيه فتحلها الباب وركبت والاتنين مش بيبصوا لبعض
رحيم.. مكنش في داعي تجي وتتعبي نفسك
ريم.. لا في داعي عشان اطمن علي ماما ااقصد. طنط كريمه🤭
رحيم.. بنظره حاده ماشي ياطنط واتحرك فجاءه بالعربيه
وريم ..في غضب براحه شوي سوقتك بقت زفت ليه
رحيم ..وهو بيتحرك معلش مكنتش اعرف الكونتيسه هتركب كنت خدت كورسات سواقه😏

ريم.. رحيم هنزل والله....بطل اسلوبك دا خلينا نطمن.. مين اللي كلمك وعاوز اي
رحيم.. واحد كلمني سواق تاكسي بيقول في ست ركبت معاه ووصلها مشوارين ولما جات تحاسبه مكنتش مركزه وكأنها تعبانه
وحسبته وهو لما بيشوف الفلوس لاقي بطاقتها وورقه فيها عنواني ورقم موبيلي
ريم...ورحيم بيحكلها علي،المكالمه،افتكرت

.....فلاش باك

والده ريم....ريم .ريم اصحي يابنتي في ضيفه عوزاكي
ريم......ايوه ياماما سيبني نايمه
والده ريم....يابنتي عيب ام رحيم بره وعاوزه تشوفك ضروري وشكلها مش طبيعي
ريم..قامت اتنفضت مين .. عاوزه اي دي ..خلاص هقوم اشوفها

ريم قامت جهزت وطلعت تستقبل والده رحيم
ريم.... اهلا ياطنط..ازيك اتفضلي ارتاحي
كريمه.....عامله اي ياريم
ريم.... الحمد لله..بخير وبقيت احسن.. احسن كتير..نست ريم نفسها لثواني وسالت علي رحيم بلهفه
ريم....رحيم اخباره اي
كريمه.. وهي ندمانه انها حرمتهم من بعض رغم حبهم الواضح واللي ريم بتخبيه...بس لهفتها عليه بتفضحها
كريمه.... بخير يابنتي...... ريم انا عارفه انك مستغربه زيارتي ليكي بعد موضوع الطلاق ..بس انا جاي اخلص زمتي ادام ربنا وادمك واعترف لكي بكل حاجه وايه اللي عملته في حقك وحق رحيم
ريم.....بدأت تسمع في ذهول وانهيار وبكي من اللي سمعته واد ايه الظلم اللي شافته منهم وكأنه بيتعاد تاني ادامه وقامت فجأه......وبعدين

كريمه...قامت وواجهت ريم وجات تحط ايدها الاتنين علي اكتاف ريم. .. بحركه لا أراديه أقشعرت ريم ونزلت ايد كريمه عنها.. ولفت وادتها ظهرها

كريمه...ريم انا جايه عشان تسامحيني عارفه اني اللي عملته ميشفعش.ليا عندكم بس ادوني فرصه وانا أصلح كل دا
ريم...تصلحي اي بالضبط..ابنك اللي مهنش عليه يعتزر ويقولي حقك عليا...ولا تصلحي نفسك ..ولا اي فهميني___
انا عملت فيكوا ايه عشان تهينوا فيا كده انا بنت ناس مش من الشارع ياطنط ولا نسيتي موضوع اغسليلي رجلي .
.عمري ماهسامحكم. ... فاهمه عمري ماهسامحكم انتي وابنك قضيتوا عليا انتي بتسلطك وابنك بضعفه وظلمه علي طول ليا .. ابنك جاحد وقاسي ازيك

كريمه.. عشان خاطري ياريم
ريم ..المقابله انتهت مدام كريمه
خرجت كريمه منهاره من البكاء وركبت التاكسي

.....بااااك

انتبهت ريم لرحيم وهو بيندهه عليها ..
رحيم...ريم ...رريم ..ررريم
ريم..ايوه ايوه سمعت
رحيم..بتزعقي ليه انا مش ناقص قرف
ريم... وهي بتفكر في المقابله واد اي كانت معاملتها وحشه لست كريمه وخافت تكون هي السبب .

ريم....رحيم من فضلك بص ادامك ومتتكلمش معايا نص كلمه لغايه مانعرف طريق طنط كريمه والا هصوت والم عليك الدنيا واقول انك خطفني 😳

رحيم.. بصلها بغضب ورجع بص ادامه..وساعتها فونه رن كان ادهم..الو رحيم مش لاقي امك والله ماهرحمك لو جرا ليها حاجه
رحيم.. انت فين يا زفت
ادهم ... علي دماغك كلمني عدل__ بجح وانت السبب في اللي احنا فيه وليك عين تتكلم
رحيم.....اقف استناني هجيلك

رحيم وصل لمكان ادهم وادهم وهو بيبص لعربيه رحيم ..العربيه وقفت وادهم ركب ورا عشان ريم راكبه جنب رحيم وهو مكنش طايق رحيم اصلا ولو حكمت كان ولع فيه

ادهم.....انت رايح تسأل علي امك ولا رايح تتدلع وتتفسح
رحيم....ادهم انا ساكتلك عشان الظروف اللي احنا فيها .
ادهم كان هيتخانق مع رحيم في الكلام. ريم ..فجاءه

ريم..وبعدين منك ليه هو احنا هنتخانق ونسيب الأهم .ماما كريمه
رحيم.... انتبه هو في اي ولا في اي و انبسط من جواه انها رجعت تقول ماما والتفت لسواقته وحكي لادهم موضوع المكالمه وادهم متحمس يوصل لسواق التاكسي عشان امه

وهو سايق وريم جنبه ..اتنين جنبهم بعربيه بس مزز معدين جنب ريم بيعكسوها..
شاب الاول ...ياقمر ولااااا ااا. شوفت القمر يطلع الصبح
شاب التاني .. ياقمر تعالي ياقمر احنا احسن من غيرنا

خجلت ريم من معكستهم ...ووبصت ادمها ...فجأه لاقيت ازاز العربيه اتقفل والعربيه سرعت

ريم. رحيم افتح ازاز العربيه بتخنق
رحيم.... بتتخنقي ولا مبسوطه من المعاكسه
ادهم..... مش طاقيهم الصراحه وعوج بوزه 😏وبص ناحيه ازاز العربيه ..(ولا انا ... واكيد انتم كمان عشان مش وقته بس الحب ياساده )

ريم.. وهي بصه لرحيم بغضب كلمه زياده هنزل من العربيه
وهبقي اطمن من ادهم علي ماما كريمه
ادهم.. وبعدين بقي اخلصوا في يومكم دا

رحيم سكت والتفت للسواقه لغايه ماوصل لمكان السواق ونزلوا التلاته من العربيه .

.بصراحه ريم فعلا كانت زي القمر اول مانزلت من العربيه في منطقه الشعبيه مكان السواق التاكسي ..لفتت انظار الكل وطبعا عمنا رحيم بيغلي من جوه وادهم الود وده يموتهم الاتنين...

رن رحيم علي رقم السواق اللي كلمه منه وفعلا قابله ...
رحيم... انت السواق اللي كلمتني
سواق التاكسي.. ايوه ياباشا. انا كنت بوصل ست كبيره واتفقت معايا اوصلها لمشوارين..ولما جيت احسابها مكنتش سماعني خالص وكانت هتمشي من غير حسابي ولما ندهت عليها طلعت كل حاجتها وعلي ماجيت اعد الايراد اخر النهار لاقيت البطاقه الشخصيه دي وورقه معاهم فيها عنوان والرقم اللي كلمتك منه

رحيم.خد البطاقه.. فعلا امه والسواق مكدبش وشاف الورقه لاقي عنوانه ورقم موبيله

رحيم ..متعرفش راحت فين بعد كده .. او قالتلك في اتفاقها انها هتروح في حته تانيه غير العنوانين دول
سواق التاكسي.... الامانه لا ياباشا ..لما راحت العنوان ونزلت من عنوان البيت دا نزلت بتعيط وعينها كلها دموع مكنش حالها زي ماطلعت كأنها اتبدلت..وركبت ولا هي سمعاني ولا شيفاني كأنها في ملكوت تاني

رحيم.. طب هي نزلت فين بالضبط .. لأننا احنا اولادها وهي مرجعتش من امبارح.. وبندور عليها ..
سواق التاكسي عرف المكان اللي نزلت فيه كريمه ورحيم شكره ولو افتكر حاجه يبلغه بيها

رحيم.. شكرا يااسطي ولو افتكرت حاجه عرفني
السواق .. من عنيا يابيه .. يارب تعتطروا فيها الله يجازي اللي كان السبب في شقلبه حال الست كدا

السواق كان بيدعي وهما بيركبوا العربيه وهو السواق بيدعي
ادهم.. يارب ... ربنا علي الظالم والمفتري

كمل رحيم طريقه .وهو من جواه خجلان وقلقان من اللي عمله في امه ومش هيسامح نفسه لو حصلها حاجه
وريم.. نفس حال رحيم ..خجلانه وقلقانه لو حصل حاجه هتكون هي السبب
رحيم وقف.. فجاءه..
رحيم.. طب المشوار الاول كان اي ياادهم
ادهم.. معرفش هي سألت علي عنوانك وانا ادتهولها
ليكون رجعت للمكان اللي رحتله الاول
ريم.. علي اساس عرفت المشوار التاني ..
رحيم.. ايوه كانت عندي
ادهم.. امي كانت عند البيه واكيد زعلها عشان كده كان حالها والله يارحيم ماهسيبك

رحيم.. حسابك بعدين المهم نعرف كانت فين قبلي
ريم ... بصوت خجل وحزن ...كااااانت عندي
رحيم وادهم في صوت واحد....اي
ريم.. جاتلي حكتلي علي كل حاجه حصلت منها وانا عملتها وحش ...انا مش هسامح نفسي لو انا السبب
رحيم.. مش انتي لوحدك لزعلتيها انا كمان كنت قاسي معاها
وهنا
ادهم وقف دا المكان اللي السواق قال عليه
نزلوا التلاته من العربيه وبداو يدوروا عليها ورحيم يسأل المحلات والكافيهات...ويوريهم صورتها في البطاقه لكن مافيش امل وبدأو ييأسوا انهم يلاقيها وخوفهم كبر ان يكون حصلها حاجه ومش عارفين يوصلولها

ركبوا العربيه.. ورحيم قبل مايركب دخل سوبر ماركت يشتري مايه وورا البطاقه لبائع فيه هنا ركز
.. البائع.. ايوه انا شوفتها امبارح كانت تعبانه وعاوزه ترتاح علي الكرسي شويه دخلت اجبلها حاجه من المحل تكلها لانها كانت شكلها يصعب علي الواحد

هنا رحيم قلبه وجعه اوي وركب عربيته وهو منهار
ريم..مالك رحيم كنت بتتكلم كتير مع الولد في السوبر ماركت ليه
رحيم..شاف ماما بس ميعرفش راحت فين
ادهم وهو راكب العربيه وبيتفقد الشوارع والعربيه ماشيه فجاءه
ادهم.... رحيم .. ووقف.. انا عرفت ماما فين

يتبع

الحمد لله الست كريمه لاقوها بكره هنعرف كانت فين واي اللي حصلها

الموضوع الأصلي : الكل في حالة هلع || المصدر : منتديات عاشق الحروف

---

hg;g td phgm igu

نور
مواضيعك دايم تشدني
موضوع ممتع حيل
الله لايحرمني منك

بيض الله وجهك
على هالابداع الغير مستغرب ..

بارك الله فيك على الموضوع القيم والمميز
وفي إنتظار جديدك الأروع والمميز
لك مني أجمل التحيات
وكل التوفيق لك يا رب

سلمت يداك على الطرح الطيب
يعطيك ربي العآفيه
لك خالص احترامي

يعطيك الف عافيه
ربي يسعدك على جمال طرحك ْ~

جزاك الله خيرا وبارك بك
لهذا الجلب الطيب
وهذا العطاء المفعم بالخيرات
نفع الله بك وجعله في موازين حسناتك يارب
تقديري لجهودك الدائمة
دمت بمرضاة الله ..
الله يسعدك
ابداعك فاق الحدود والله ):
كنت هنا فتنه

شكرآ لـ هذة اللفته
الله لايحرمنا منك ومن ابداعاتك الشيقة ..
دمت لنآ

عوافي ي بعد راسي ~

ماشاء الله تبارك الله
أخترت فأبدعت
وجلبت فأفدت
الله يسلم يمينك ~