القصة كاملة

القصة كاملة

القصه كاملة

الخيانة_الزوجية..

زوجي بيشتغل بمكان بعيد وما بروح عالبيت غير آخر الأسبوع الخميس والجمعة والسبت، يعني تقريبًا عايشة لحالي بالبيت حتى بس يجي لعنا بطلت اشتاقلو زي زمان بطلت أهتم فيه مثل زمان لأني تعودت على العيشة لحالي مع إبني الصغير وصرت أحس بوقت فراغ كبير لأني طول النهار والليل قاعدة بالبيت لحالي وفش إشي اعمله وما بقدر أشتغل لأنه إبني صغير عمرو 8 شهور ، وأنا زهقت من هالعيشة
أنا وحدة بدي حد يهتم فيني بدي حد الاقي جنبي بدي شخص أحبه

زوجي كان يشتغل بهاد الشغل لأنه راتبو كويس وما بدو ياني أنا وإبني نحتاج حدا بس الحياة مش كلها مصاري في إشي اسمه حب وأهتمام وحنان، حاولت كثير مع زوجي انه يشتغل شغل زي باقي الناس شغل يومي بس ما رضي لأنه فش أي شغل ممكن يعطيه نفس الراتب اللي بوخذه بدون شهادة.

بيوم من الايام صحيت على الساعة 1:00 بعد نص الليل على صوت عياط إبني حاولت اسكتو بس ما سكت قمت من فراشي أعمله رضعة حليب عشان يشربها وينام،
دخلت عالمطبخ وفتحت علبة الحليب بس المشكلة كانت فاضية ونسيت أشتري علبة ثانية، رجعت ع الغرفة وحاولت ارضعو مني بس للأسف ما شبع ما عرفت شو أعمل آخر هالليل ووين أروح وما بقدر أشوفه جوعان وأضل ساكتة
قلبي بتقطع عليه.

قمت من تختي وبلشت أفكر شو بدي أعمل ، والمصيبة ما بقدر أطلع من البيت بهيك وقت الناس شو بدها تحكي عني طلعت على باب البيت وكان في شب جيرانا قاعد بأرجل
على باب بيتهم وما في حل غير إني أطلب منه يشتريلي حليب لأبني وإلا بضل يعيط لصبح وأنا ما بتحمل

:- يا شب ممكن دقيقة

:- اه تفضلي يختي في إشي ؟

:- إبني بعيط من الجوع وما في حليب ممكن تشتريلي علبة من أي صيدلية إذا في مجال؟

:- اه من عيوني، شو اسم الحليب؟

:- حليب c6 للأطفال، بس تحملني دقيقة اجيبلك مصاري

:- خلص بس أجيب الحليب بتعطيني حقو

بعد تقريبا عشر دقايق رن جرس البيت

:- تفضلي هي علبتين حليب مش وحدة

:- يسلموا إيديك غلبتك معي آخر هالليل تفضل هي حقهم

:- لا واقسم بالله ما باخذهم

:- لا ما بصير هاد حقك وبكفي غلبتك معي

:- ولا غلبة ولا إشي هاد واجبي

:- طيب أمسك حقهم ما بصير تدفع من جيبتك

:- الحلوين بخدمهم بعيوني

حكالي هالحكي وضل رايح وأنا وقفت صافنة بمكاني لأني من زمان ما سمعت هالحكي من زمان ما حدا حكالي إشي حلو زي هيك، دخلت عالبيت وعملت لأبني حليب وأنا مصدومة من كلامه وصرت أفكر انه ليش حكالي هيك
بس بنفس الوقت كنت مبسوطة من كلامه.

بعد يومين كنت سهرانه ع التلفزيون ونسيت كل اللي صار
فجأة سمعت صوت برا البيت والصوت قريب كثير على بيتي قمت من مكاني وفتحت الشباك كان الشب قاعد بأرجل
وشابك السماعات وبغني بصوت عالي وهو مش عارف عن حالو، قعدت اضحك واتفرج عليه وهو كثير مندمج مع الاغنية طلعت على باب البيت وعملت حالي مش شايفيتو فجأة قام من مكانه واجى لعندي

:- محتاجة اشي؟

:- لا الله يسعدك وشكرًا على الحليب

:- لا شكر على واجب

:- ربي يسعدك ويوفقك

:- والك بالمثل، تفضلي هاد رقمي أي إشي بتحتاجي لو بنص الليل بس رني علي وأنا بكون عندك

:- ما بدي اغلبك معي

:- غلبة الحلوين راحة ممكن ترني علي عشان اسيف رقمك وأعرف انه انتي بس ترني علي لاني أحياناً ما برد على أرقام غريبة

:- تمام دقيقة أجيب التيلفون

جبت تيلفوني ورنيت عليه ودخلت على بيتي
وحطيت راسي ونمت وأنا بفكر فيه وبشخصيتو وطريقة كلامو، صحيت الصبح رتبت البيت وقعدت ع التلفزيون
كالعادة، وحاطة تيلفوني على الشاحن وشايفتو برن بس مش شايفة مين اللي برن ومتكاسلة أقوم من مكاني وأنا متأكدة انه اللي برن زوجي ورح يضل يحكي قصص ومغامرات ويجنني عالخط

بس الغريب التيلفون ضل يرن وزوجي ما الو بالعادة يرن كثير، قمت من مكاني ومسكت التيلفون بس اللي كان يرن علي مش زوجي اللي كان يرن نفسه الشب ابن جيرانا

فتحت خط عليه

أنا :- الو مرحيا

:- اهلين مين؟

أنا :- يعني بتتخوث ران علي وبتحكيلي مين

:- ييييييي أنا ران عليكي أسف كنت برن على صاحبي ويمكن خربطت

:- اها متأكد انك مخربط؟

:- بدك الصراحة لا مش مخربط وحبيت أطمن عليكي

:- هههههههههههههههه كنت متوقعة

بلشنا نحكي ونضحك وما بعرف كيف قعدت المكالمة ساعتين صرنا كل يوم نحكي، وإذا هو ما رن علي أنا برن عليه لأني تعودت عليه تعودت على كلامه تعودت على كلشي بخصو لأني كنت محتاجة أهتمام كنت محتاجة حدا افضفصله محتاجة حد يوقف معي على الحلوة والمرة
وصارت كل يوم تقوى علاقتنا أكثر من اليوم اللي قبلو وصرت أحس إني بعرفو من زمان

بعد شهرين وأحنا على نفس الحالة بلشت أحس إني بحبو وصرت أتعلق فيه، وبيوم من الأيام (حموده) اعترفلي
انه بحبني وبدكم الصراحة أنا كمان بادلتو نفس الشعور لأني عنجد بحبو لأنه اغناني عن زوجي وأهلي والدنيا كلها
وانا معو حسيت إني عنجد بستاهل حدا يحبني واحبو
وزوجي ما كان معطيني هيك حب واهتمام، وعلاقتي أنا وحموده أكبر من علاقة حب

بيوم من الأيام عزمت حبيبي عندي عالبيت
بس العزومة كانت بالليل عشان ما حدا يشوفه وهو داخل عندي، وفعلاً اجى لعندي وقعدنا نضحك ونتهبل وكنت عامليتلو عشا بجنن وكنت مزبطة حالي 10 على 10 متمكيجة ومسشورة شعري ولابسة لبس بجنن، ما بتذكر عملت هالأشي لزوجي غير بأول اكم يوم من عرسنا، وأحنا بنص القعدة الهدوء احتل المكان
وحموده بلش يقرب علي شوي شوي والشيطان كان بتحكم فيني وما قدرت أتحمل وغلطت هذيك الغلطة بس أنا غلطتي ما حدا رح يعرف عنها لأني متزوجة

بعد ما خلصنا صارت الساعة 12:00 بالليل حمودة روح على بيتهم وأنا حطيت راسي ونمت .... صحيت الصبح مبسوطة كثير مباشرة رنيت على حبيبي أول ما صحيت وطلبت منو إنه كل فتره يجي لعندي عالبيت وهو ما كان عنده اعتراض وصار كل يوم يجي لعندي عالبيت وكان عايش معي كأنه زوجي

بس لما يروح زوجي ما بنحكي ما بعض نهائي عشان زوجي ما يعرف إشي

يوم السبت زوجي طلع على الشغل من هون وحبيبي فات لعندي عالبيت من هون لأنه كان مشتاقلي وأنا كمان كنت مشتاقة إله بعد ما دخل عالبيت عملت كاستين قهوة وقعدت بحضن حبيبي وبلشنا نحكي وكنت لابسة
وبلشنا نحكي وكنت لابسة لبس كثير مغري

واتفقنا أنا وحبيبي إني أطلق من زوجي عشان نتزوج بعض ونعيش مع بعض لآخر العمر........ بعد قعدة طويلة والشيطان كان قاعد معنا حبيبي رجع على بيتهم وأنا قعدت أفكر كيف أخلص من زوجي واخليه يطلقني عشان أتزوج حبيبي
وكانت الحجة إنه زوجي بغيب عن البيت كثير وأنا ما بتحمل أضل لحالي أكثر من هيك طلعت تلفوني ورنيت عليه

:- مرحبا فارس

:- اهلين حبيبتي

:- فارس أنا قرفت من هاي العيشة

:- حبيبتي شو أعمل يعني؟؟؟؟

:- طلقني!!!!!!!

:- بسم الله الرحمن الرحيم شو بتحكي أنتِ

:- هاد اللي عندي أنا ما بدي أكمل معك

:- طيب حبيبتي اهدي واكسبي الصلاة على النبي

:- أنا هادية ورح اروح عند بيت أهلي

:- طيب بس أروح بنتفاهم بس أنتِ اهدي

:- يلا سلاااام

فصلت الخط بوجهو وحولت تلفوني ورنيت على حبيبي
وبلشنا نحكي ونضحك ونتهبل

:- حبيبي شو مالك منكد هيك

:- مذايق شوي على شوية مصاري

:- بس هيك يعيوني أنتَ حكيلي كم المبلغ

:- 100 دينار وبالشغل رافضين يعطوني سلفه

:- هههههههههههههههه انا بعطيك سلفه

:- كيف يعني؟؟

:- أنت َتعال عندي عالبيت عشان أحكيلك كيف رح أعطيك سلفة

بعد نص ساعة اجى لعندي وقعدنا وبعد الف ترجاي لحتى رضي يوخذ المصاري مني.........قعدنا نحكي ونضحك ونتهبل والفرحة مش واسعيتني....... فجأة باب البيت فتح واللي فتح الباب زوجي وكان حامل بايده بوكيه ورد أحمر ........ وقف مصدوم من المنظر اللي قاعد بشوفه

مباشره هجم علي وبلش فيني ضرب وحبيبي تركني وهرب وأنا ضل زوجي يضرب فيني وكان يحكيلي وهو بضربني

(عشان هيك بتطلبيني الطلاق عشان اللي بنخونيني معو)

مسكني ورماني برا البيت وطلقني 3 طلقات وأخذ إبني مني وانا نا عرفت وين اروح، ورحت على بيت أهلي وأنا بعيط وأهلي كلهم مصدومين من اللي صار وليش بعيط....... فجأة تيلفوني بلش يرن واللي برن زوجي قصدي اللي كان زوجي قبل ما يطلقني

:- أسمعي يا بنت الناس شو بدي احكي افتحي اذانك منيح

:- تفضل أحكي 😞

:- ما تحكي لأهلك عن اللي صار طلعيلهم أي كذبة واحكيلي ياها عشان إذا سألوني أعرف أجاوب..... الله يستر عليكي

فصل الخط بوجهي وقعدت مع أهلي وحكيت الهم السبب لأنه ببعد كثير عني وما بقدر أتحمل هيك عيشة ....والحمدلله
أهلي صدقوني .......... وطليقي كمل معي نفس الكذبة
ورجعلي إبني وبلشنا بمعاملة الطلاق بالمحمكة

بعد شهرين كنت متطلقة وكنت على تواصل مع حبيبي
بعد ما تطلقت رنيت عليه عشان احكيله إني تطلقت

:- مرحبا حبيبي

:- يا هلا

:- حبيبي مبسوطة كثير لأني تطلقت رسمي وهلأ بتقدر تيجي تطلبني من أهلي

:- هههههههههههههههه مين يطلب مين

:- صح أنا تطلقت عشان تطلبني ونعيش مع بعض

:- أنتِ خنتي زوجك وأهلك بتتوقعي إني أجي أطلبك مثلاً

:- شو بتقصد

:- زي ما فهمتي وإذا بترني علي مره ثانية بصير إشي ما بيعجبك يلا نقلعي

فصل الخط بوجهي،
قعدت مصدومة شو اللي عملتو وليش هيك عملت خسرت حياتي وزوجي وبيتي وصار أسمي مطلقة وعندي طفل وعايشة عند بيت أهلي

دخلت بحالة نفسية مدتها تقريبا 4 شهور وأنا مش متقبلة إشي وحالتي حالة وأهلي تعبوا معي كل يوم على مستشفى كل فترة يطلعوني أغير جو ..... بعد هالفترة قدرت أطلع من الحالة النفسية اللي كنت فيها وقررت أبلش أشتغل واصرف على حالي وعلى ابني لأنه في أشياء بحتاجها وبستحي أطلب من أهلي مصاري قعدت أدور على شغل واشتغلت بمحل اواعي لمدة 6 شهور بعدين بطلت لأني لقيت شغل بمكان محترم وراتب محترم بمحل ذهب...مباشرة بطلت من محل الاواعي وبلشت شغل بمحل الذهب والحمدلله كنت عايشة بحالة ممتازة وكرهانة جنس آدم كامل بعد اللي صار معي.... وابني قاعد بكبر قدامي وأنا شايفيتو كيف رح يصير بس يكبر....بعد تقريباً شهر من الشغل بمحل الذهب وصاحب الشغل مبسوط مني كثير لأني قدرت بفترة بسيطة اتعلم طريقة شغلهم بعد فترة صغيرة دخل لعندي عالمحل طليقي وكان ماسك بايده بنت وبده يشتريها ذهب لأنها بتكون خطيبتو بس شفت المنظر طلعت من المحل ودموعي على خدي لأني ما اللي عين احط عيني بعين طليقي ورجعت دخلت بحالة نفسية جديده وتعبت كثير لدرجة دخلت المستشفى لمدة اسبوعين حاليًا عايشة بحالة سيئة جداً ما بعرف بشو بحس أو ليش هيك بصير معي بس اللي بعرفه انه حياتي لهون...النهايه

#اذكرالله_للجميع@..

صل_علي_رسول_الله@

عاشق الغاليه معجب بهذا

الموضوع الأصلي : القصة كاملة || المصدر : منتديات عاشق الحروف

---

hgrwm ;hlgm

كم اسعدني رؤية متصفحك
وكم هو رااائع ان اجد هذا الذوووق الرفيع
يستنشق عبق الحيااة
طرح راااقي جدا ومميز
مبدعه في اختيااراتك في انتظااار قااادمك
لك ودي وكوني بخير

نور
مواضيعك دايم تشدني
موضوع ممتع حيل
الله لايحرمني منك

بارك الله فيك على الموضوع القيم والمميز
وفي إنتظار جديدك الأروع والمميز
لك مني أجمل التحيات
وكل التوفيق لك يا رب

بيض الله وجهك
على هالابداع الغير مستغرب ..

يعطيك الف عافيه
ربي يسعدك على جمال طرحك ْ~

سلمت يداك على الطرح الطيب
يعطيك ربي العآفيه
لك خالص احترامي

جزاك الله خيرا وبارك بك
لهذا الجلب الطيب
وهذا العطاء المفعم بالخيرات
نفع الله بك وجعله في موازين حسناتك يارب
تقديري لجهودك الدائمة
دمت بمرضاة الله ..
الله يسعدك
ابداعك فاق الحدود والله ):
كنت هنا فتنه

شكرآ لـ هذة اللفته
الله لايحرمنا منك ومن ابداعاتك الشيقة ..
دمت لنآ

عوافي ي بعد راسي ~