تعال أجلس هنا

تعال أجلس هنا

تبي تعرف مدى شوقي وكيف آكون لك مشتاق؟
تبي مقياس حبي لك قياسه وين وداني


تعال اجلس هنا جنب الضلوع وراقب الخفاق
وشوف اشلون سوابي غلاك وكيف خلاني

سألت القلب جاوبني بزفراته من الأعماق
وحيفه يسمعه كل من يمر صوبه وعداني

له اصوات الحزن مغنى يترجمها من الأشواق
يسيل ابكبريا دمعه! ولاينقص بها شاني

سألت الروح تواقه بشوفة من لها تواق
تجي بطيوفها حولك تداري بك بجنحاني

تقول إني وهج شوقي مولع صوبكم بشفاق
وحسب إني معك صامد واثاري حبك اعياني

سألت ادروبنا قالت أبي وصل بدون افراق
أبد ماينقطع درب ولابي غيركم ثاني


نبت ودّي على ودّك طريق صوبكم ينساق
عسى امزون الوصل تثمر لقا ما بيننا عاني


ولا تسأل عن اعيوني لأنك داخل الأحداق
رسمتك في حجر عيني نقشتك داخل اجفاني


لو اغمض أو افتح أعانق صورتك بشراق
صبح عمري مسا ليلي تناديني بتلقاني

عرفت الحين ياعمري مدى حبي وكيف اشتاق؟
خلاص ارجوك لاتطول ترى اسمك على لساني!

أمير الحرف معجب بهذا

الموضوع الأصلي : تعال أجلس هنا || المصدر : منتديات عاشق الحروف

---

juhg H[gs ikh logw juhg

صح لسانك وسلم بنانك
مع ترانيم عزفك الاخاذ
نستلهم روائع الحروف وتذوق الكلمه
وبراعة المفردات
ماذا اقول امام قوة قلمك
وصدق احساسك
حقا من النصوص التي تستهويني دوما
هنا ابجديات الحرف تنبض من الدهشة
هي ملامح رسمت على اوتار القلب
بوح بتراتيل تلامس الوجدان
وابداع تعودناه منك
سلم نبض قلبك وقلمك
دمت بخير

طرح رآقي وأنتقـــاء مميـــز ومجهود رائـــع
تسلم يمينك .. بـ شــوووق لجديدك المميز
لـروحكـ السعادة الدائمــه