احبك قد منتي في عيوني جميلة
واحبك لابغيت اوصف بقلبي حلاياك
مابَه كلامٍ ينصف اللي يجيله
ذاك الشعور اللي تسامَى بطرياك
آمنت باللي مِن كتبني قتيله
اللي مابين الناس زادك وعلّاك
صبْحي لو انّه يِتغانم اصيله
مافاق نوره والحِسن في مُحيّاك
اسرفت ابمْدَح والقوافي وسيله
تقول عنّي ماجنَى الحب ويّاك
إنك تساوي في عيوني قبيله
ومحدٍ يوازي في خفوقي سواياك
انت الوحيد الي بطيفي اجيله
فكرٍ عنا لك شايل الشوق بِسْمآك
من قبل عُمْري يبتدي في مسيله
تذرف عيونه من همايل خطاياك
الوقت عدّى قبل شوفي يخيله
مثل السراب اللي يلوِّح بِمنْفاك
بعضك رجيته في حظوظٍ تشيله
وبعضك الثاني يجاري مساياك
اقْفَى مع اللي مايسامر خليله
باشواق تصفق كفّها بكفّ لُقياك
وعَوَّد زمانه نازفٍ في رحيله
من بعد ماطفّى شموعه وخبّاك
كانت رواية في الليالي الجميلة
ومن يومها والقلب وَقَّفْ تحرّاك
الإهداءات
03-15-2022, 03:19 PM
عضويتي 
كانت رواية لليالي الجميلة
العرض الشجري