لا ارتوي من الحب

لا ارتوي من الحب

حملتني حب ما قويت اشيله
حاشى ولا مثلي لحبك يشيلون
وعذبتني يا بو العيون الكحيله
وفضحتني وخليت عذالي يدرون
وخليتني في الحب مثل الهبيله
ان شافني الورعان قامو يحذفون
ومن عرفني قال فارق خليله
والي ماله عرف قال مسكين مجنون
وانا اشهد ان النفس مني عليله
سبة فراقك سرت يا زين مفتون
اسرع بوصلي لا تزود شعيله
واطفي نيار خلت القلب مغبون
مشيت ممشى الدم اللي اشيله
وسكنت قلب له اوذين وبطون
وسيرتني طوع الرموش الظليله
ياملك قلبي ترى القلب محزون
والحب له عندي سنين طويله
ولا اكتفي حتى لجسمي يدفنون
احب وامرح لو همومي ثقيله
واضحك وخل الزعل وما يتدانون

اتمنى تحوز على رضاكم

ابوخليفه

نظرة أمل ,قلم صادق ,نورسين ,عاشق الحروف ,ملكة الحنان معجبون بهذا

الموضوع الأصلي : لا ارتوي من الحب || المصدر : منتديات عاشق الحروف

---

gh hvj,d lk hgpf