بتمنى أشوفك ولو لقانا يكون سُكات
وأتمنى أعيشِك لو فاضللي يادوب ساعات
وأجيب منين حروف تكفي اللي إحنا فيه
الشوق غالبني يا حبيبي أنا أعمل إيه
وإزاي عرفنا بعضنا وإزاي مشينا دربنا
وإزاي بقينا أنت وأنا
ولقانا ليه وخصامنا ليه
ياريت تحس بإني من غيرك بضيع
وكل شيء فيا خريف وإنت الربيع
أجمل من العمر اللي عشته معاك مفيش
وأطهر من القلب اللي حبك م تلاقيش
بعدك حياتي ذكرياتك بيها بحلم بيها أعيش
واحشني موت وكل ما فيا حنين
وأخاف يعدي العمر وتمر السنين
فليه نضيع عمرنا هجر وأنين
و أنا أعمل إيه ف الهجر قُلِّي أروح لمين
ومعادش فيَّه مكان بيتحمل جروح
وذكرياتك مالية قلبي وين أروح
هات الصباح بطلتك شمس ودفا
تحرمشي قلبي نظرتك حُب ووفا
موش حمل إني أنصهر في الإنتظار
وكاس مرار الهجر دايقه ليل نهار