#جوزي قالي انه مسافر أسبوع شغل وانه ضروري ومينفعش يتأجل، بس عشان مزعلش هنخرج نسهر قبل م اسافر، ونزلت انا وهو والعيال روحنا مطعم شيك، وعزمني ع العشا، دخل الحمام وساب التليفون مع ابني بيلعب بيه، وجاتله مسچ من زميلته ف الشغل، كتباله انا جهزت الشنطه واستلمت التذاكر من شركه الحجز، ابقي كلمني،
#بحبك .
اتنرفزت واتعصبت ومبقتش طايقه نفسي، و كنت هقوم واعمل فضائح اول م يجي بس سكت، بقلب ف الواتس، لاقيت عنوان الشاليه اللي حاجزينه من شات الراجل صاحب المكان، واديت التليفون لابني و سكت، جينا مروحين، قولتله انا هروح ابات عند ماما بقي، وانت سافر الصبح، ولما ترجع هبقي ارجع البيت ، قالي ماشي يا حببتي.
أخدت العيال وحجزت ركبت سوبر جيت، وطلعت ع الساحل ف العنوان بتاع الشاليه، واخدت من الراجل المفتاح، ووريته بطاقتي مكتوب فيها اسم جوزي اللي حجز معاه، الساعة 9 الصبح بيفتح الشاليه لاقاني جوا انا والعيال، وطالبين اكله سمك ب 900ج، والبت كانت معاه صوتت و جريت لانها عرفاني، وهو فضل متسمر مكانه كده؟ قام ابني الصغير بيقوله تاخد جمبري يا بابا.
متكلمتش ولا جبت سيره حاجه و اخدت العيال و دلوقتي قاعدين ع البحر، هو لسه جوا مصدوم 🤔😂😝
انا لما الاسبوع يخلص هروح علي بيت اهلي، بس مش هشرشح و اتخانق قدام الناس، انا استمتع بفلوس جوزي، اللي كانت هتتصرف علي واحده شمال، قبل م اغضب و اروح بيت اهلي ولا ايه ؟ و كمان العيال تفرح شويه 😂 وهو انا هعكنن عليه بس الصبر وقعته ابيض لؤلؤي باذن الله
ولسه في مفاجات ونصائح تانيه مدكناه للحابييب بس اشوف رايكم في الي عملته معاه انااا كده
صووووح ولا مووووو هااا 😂😝🤣