كل الخدم كانوا مراقبين خطواتي ومستغربين اني اتجرأت وقربت من اوضة الرياضة بتاعه وهو فيها والكل عارف انه بيحذر دخول اي حد عليه وهو جوه واي حد بيخالف اوامره بيعاقبه اشد عقاب.. بس انا مهمنيش عقابه هيكون ايه المهم عندي اني اعتذرله ويسامحني..
فتحت الباب ودخلت وسمعت شهقت الخدم المصدومين مع دخولي وقفلت الباب ورايا وانا جسمي كله بينتفض بخوف مش هنكر اني كنت مرعوبه من ردت فعله لما يلاقيني دخلت بدون اذنه وخلفت اوامره..
سمعت صوت دقات قلبه وانفاسه العاليه وهو بيتمرن بقوة وبسرعة..
اتكسفت لما لقيته كان خالع التيشيرت بتاعه ورميه على الأرض وعضلات جسمه كانت مشدودة وقويه .. كان ضهره ليا ومش حاسس بوجودي او ده اللي انا كنت فكراه انه مش حاسس بوجودي وقربت منه بخطوات حذره وانا خايفه وبحاول اسيطر على خوفي..
صقر: ايه اللي دخلك هنا من غير اذني؟
جسمي انتفض واتجمدت مكاني لما اتكلم واستغربت هو ازاي عرف اني دخلت وهو ضهره ليا ومش شايفني! لف بجسمه فجأة وبصلي وانا جسمي كله انتفض ومقدرتش ارد عليه!
قرب مني ووقف قدامي وهو بيتنفس بسرعه وسامعه صوت دقات قلبه قريبه مني..
صقر: انا سألتك سؤال ولسه مردتيش.. ايه دخلك هنا من غير اذني! انتي عارفه كويس اني محذر دخول اي حد هنا وانا موجود.
حاولت اتكلم وارد عليه وانا برفع وشي لفوق لان فرق الطول بينا كان كبير وحسيت اني دايخه من شدة الخوف وكنت هفقد الوعي ولقيت ايديه حاوطتني بسرعه وقرب مني اكتر وانا كنت هموت من الكسوف اول مرة يقرب مني بالطريقه دي.. نظرات عينيه كانت حاده رغم ان لمسة ايديه ليا كانت حنونه..
اتوترت من قربه واتكلمت بصوت مبحوح: انا اسفه
نظرته الحادة اتحولت لنظرة غامضه: اسفه على ايه بالظبط؟
اتوترت من قربه ليا اكتر وجسمي كله كان بينتفض بين ايديه ولقيته فجأة شالني وقربني ليه اكتر..
صقر: هاا قولي اسفه على ايه؟
رديت بخوف: صقر نزلني.
صقر: تؤ.. قولي الاول انتي دخلتي هنا ليه وانتي عارفه ان انا محذر دخول اي حد هنا.
اتعصبت من كتر ما بيردد انه محذر دخول اي حد وقولت بعصبيه: بس انا مش اي حد يا صقر بيه انا مرات حضرتك ولا انت نسيت!
لمحت ابتسامة تسليه ظهرت على شفايفه وبدء يتحرك في الاوضة وهو شايلني..
صقر: معقول مراتي.. تصدقي انا كنت نسيت الموضوع ده!
بعصبيه: والله نسيت ان انا مراتك ازاي يعني!
نزلني على الارض بهدوء ولقيت نفسي واقفه قدامه وضهري على الحيطه ورايا. ايديه الاتنين بتحاوطني عشان متحركش وقرب مني اوي وكان خلاص هيلمس شفايفي وانا غمضت عيني وجسمي كله بيرتعش ولقيته بيبعد عني فجأة و..... لقراء