اقتباس:
المشاركة الأصلية كتبت بواسطة ملكة الحنان
طرح في غايه الروعه والجمال
لمشكلة فعلا صارت مزعجه ومخيفه بعد بالنسبة لكل شاب وشابه بعدهم ماتزوجوا
وش فصة هالطلاق الي صار الحين بكثرة فضيعه
هو الطلاق سهل لهالدرجه كلمه وتنقال بسهوله
اي خلاف بينتهي بكلمة إنتي طالق والا شلون
الحين وبصراحه صرنا نسمع من الكل
من وسائل الاتصال ومن الي حولك ومن القنوات
ومن الكل صدق يقول لك طلق عادي
خذ غيرها الي جاب الاوله يجيب الثانيه
عمى عمى وش هالنصيحه الخايسه
مافكرتوا بالي تكلفه وضيعه مافكرتوا بحالهم الاثنين
وحال الاطفال الي خلفوهم والا شلون
ابغض شيء عند الله الطلاق
انحلال وتفكك تام للاسره وضياع لمن فيها
من ينصح ويوجه للطلاق مافكر بحال الاسره
البنات الاولاد التشتت الي بعيشونه
المشاكل الي بطيح على رأسهم من هالحال الي صاروا له
الحين صار بكثره مزعجه وخصوصا من النساء ولا يزعلون أنا
أنثى مثلكم
بس بحق ناقصتن عقل ودين
ماجاب الغرض الفلاني لك صرختي طلقني
ماسفرك وخرجك وخلاك يهمين بالسواق والكافيهات
طلقني
وش بلاك وين عقلك يالخبله
شوفي من وراك من الاطفال ماتخافين عليهم
صديقتي تقول لي تطلقي أزين
بنت خالي وعمي وعمتي يقولون وش تبين تحبسين نفسك معه
تطلقي يعلهم بالدوده الي تلعب ببطنهم
هم تطلقوا يرضون بهالكلمه والا حلال لغيرنا وحرام علينا
نخاف على أطفالنا
وهم ماخفتم عليهم
صراحه غباء تام بالعقول الي تسمع للغير
بالهدم والضياع والتشتت
الحين ترفع الهاتف على الشيخ الفلاني
وتقول برفع خلع على زوجي
ليه معذبن ومو طايقتن العيشه معه
طيب خلاص اضغطي الزر الفلاني وسوي وسوي
وإنتي طالق
وين شيوخنا الناصحين الدالين على الخير وينهم
مايقول لها انثبري ببيتك واخدمي رجلك وكوني معه على الحلوه والمره واصبري واحتسبي وربي بيعوضك
ويصلحه ويهديه
جلك مع أطفالك وانتبهي لهم ازين من الطلاق
وينهم ؟؟؟
اتصلت على داعيه أو طبيبه نفسيه
أو راحت لأحد من قرايبها وهم يلسعون الدود مايحبون الخير لبعضهم
أو قالت لفلان وفلانه مشكلتها
على طول مافي غير باب واحد ماكو غيره
تطلقي يالخبله ايه وربي خبله الي تسمع لهم
تطلقي وغيشي حياتك حريتك
يلعن أبو بليسكم هو ساجنن لها وحاطه بين أربع شبوك
والا شلون
وين الحريه الي يطالبون الازواج فيها
وخصوصا المرأه وينها
بالدشره وكشف حجابها والالحاد والتخلي عن دينها والا شلون ؟
وين الحريه أضيع أطفالي واشتتهم واخرب بيتي هذه هي الحريه ؟؟
وش المقصود بحرية المرأة؟؟
كان جلست ببيت أبوها وأمهم أزين حريه
والا ماتتحرر الا إذا خرجت من عندهم وراحت للضعيف
الي بلاه ربي فيها . ومن ثم تبي تتحرر منه بالطلاق
هذه هي الحريه تدشر وتركب رأسها وتدوج وتحوم بكل بلد وشارع ومنتزه ومقهى
هذه هي الحريه والا شلون؟؟؟
زاد الامر عن حده وحتى العائله الصونه ماتقدر تسوي لهم
شيء .
ياولدي لاتطلق وتضيع أطفالك
هي يأبوي ويأمي تبي الطلاق ومصره
والاولاد تقول خذهم مابيهم
والا اصرف عليهم ووفر لهم مسكن وخادمه وسواق
ومصاريف مدارس ومصاريف اكل وشرب ولبس
وقطتن بيديهم .
وهي تقول تبي تتزوج غيري
من الاعمى المعتوه الي بيأخذن وحده فرطة بزوجها واولادها
مدري مافي عقل يوك خربان رأس لعبوا في شياطين
الانس والجن
يووو ياصادق حطيتنا بمشكله لو اجتمعت الامم المتحده على حلها تعجز عنها
لأن حلها بالعقل والتفكير والركاده
وعدم الاستماع للغير الي يبون الخراب
بس تدري إنتم الله يهديكم عليكم حركات يشيب منها الرأس
التفكير بالزواج وإنتم مو قادرين توفون حق الاولى
السفر والخيانه وتحللون لأنفسكم مالا تحللونه لها
الشرب والادمان والعياذ بالله وضياع الاسره
السهر والبعد عن الزوجه والابناء وتحميل الأم كل المسؤوليه
الاهمال والجحود والتنكر للمعروف وعدم التلفظ بالالفاظ الزينه
ماكو الا صراخ وسب وشتم ويمكن ضرب
لاحول ولاقوة الا بالله
والبعض الحين لاتفه الاسباب بطلق حرمتي
ماتطبخ / ماتسهر/ ماتلبس/ ماتطيعني/ ما وما
مالت عليكم هههههههههههههههههه
الطرفين يبلهم غاز وحفره وكبريت
بي الضعاف الي خلفوهم وش ذنبهم ؟؟
أختي العزيزة ملكة الحنان
اشرق الموضوع وزاد بهاءً وانتي تنثرين
على صفحته درر الكلام وعسجد القول
فعلا احطتي بالموضوع من كافة الجوانب
اخلاق الأزواج الآن تغيرت
وقلت المرؤة والصبر في نفوسهم
واصبحوا وكأن كل واحد من الزوجين
عدو للأخر يتلقط عليه الأخطاء
وقد لا ينتظر الصباح فيهرع الى
جهازه ليرفع قضية طلاق
او ترفع هي قضية خلع
مضحين بكل غال ونفيس في حياتهم
فالأطفال سيتجرعون سم التفرق بين الوالدين
والمودة والرحمة ستنحر كما تنحر البهيمة
وتسيل دماء تعكر صفو الأقارب
والمحبين لهم
كفانا الله جميعا شر عقول عصافير في أجسام بغال
من الأعماق شكرا لك
واسبغ الله عليك وافر نعمه
لك ازكى تحياتي