هوينفع احضر فرح
 

س/ هو ينفع أحضر فرح حد من قرايبي هو هيكون فرح عادي بس عشان صلة الرحم ومايزعلوش ؟؟
*******
ج/ الفرح في حد ذاته مش حرام طبعا لكن الحرام هو المعاصي اللي بتغضب ربنا اللي بتكون في الافراح ...هديلك بعض الأمثلة:
- الأغاني اللي مليانة موسيقى وكلام مش تمام ....حرااام❌
- الاختلاط والرقص سواء من الشباب او البنات وكله بيرقص وماحدش واخد باله إن ده حرااااام ❌
- العروسة اللي تزيننت في أحسن زينة ليها وطلعت قدام الشباب
- طبعا فرح مافيش لاغض بصر ولا لبس مظبوط بشروط الحجاب الشرعي
- مصيبة كبيرة بقى كمان الافراح اللي بيتوزع فبها مشروبات مش تمام أو بيبقى فيها ستات مش تمام
جمع كل المصاااااايب دي وحطها في ميزان سيئات العروسة والعريس وأي حد سعى إنه يعمل الفرح بالصورة دي
وخد بالك انها هتكون سيئة جارية كمان
ده هيتصور ويتسجل فيديو وممكن ينزل منه مقاطع ع الفيس والتيك توك والذي منه وتفضل الناس تتفرج عليه سنيييين طوييييلة ....وعمرك ماهتقدر تتحكم في التصوير وكل واحد يتفرج هيكون في ميزانك

👈عاوز تفرح بجد ....افرح بالحلال
أغاني من غير موسيقى ، فرح مافيهوش اختلاط بين الشباب والبنات ، العروسة محافظة على حجابها ، ومافيش أي مشروبات من اياها دي بتتوزع في الفرح ...ساعتها هتفرح وتتبسط من غير ماتشيل على ظهرك جبال من السيئات

رسايل

جزاكم الله خيرا على الموضوع المفيد المميز بارك الله فيكم وجعله الله في ميزان حسناتكم يا رب العالمين دمتم ودام اعطاكم وواجدكم ومواضيعكم تحياتي

جزاك الله خير
وزادك الله العلم النافع